GEO | ENG
სად წავიდეთტრანსპორტიტურიზმისპორტიგანათლებასამედიცინო მომსახურებასასტუმროებიბანკები

სიახლეთა არქივი

 

2017-08-07 - ზუგდიდში კოლხური ვაზისა და ღვინის ასოციაცია დაარსდა


ზუგდიდში კოლხური ვაზისა და ღვინის ასოციაცია დაარსდა. ღონისძიებას ქალაქ ზუგდიდის მერი ირაკლი გოგოხია ესწრებოდა.
მეღვინეებისა და მევენახეებისგან შემდგარ საინიციატივო ჯგუფთან ერთად ასოციაციის დამფუძნებელია აფხაზეთის ავტონომიური რესპუბლიკის სავაჭრო-სამრეწველო პალატაც. ასოციაციის თავმჯდომარედ მიხეილ ცირდავა აირჩიეს.
ასოციაციის დაარსებას წინ უძღოდა სამეცნიერო კონფერემცია „მეღვინეობა-მევენახეობა სამეგრელოში“, რომელიც ქალაქ ზუგდიდის მერიის ინიციატივითა და ორგანიზებით ჩატარდა. სწორედ ამ კონფერენციაზე დაისვა საკითხი შექმნილიყო კოლხური ვაზისა და ღვინის ასოციაცია.
ახლადშექმნილი ასოციაციის მიზანია ხელი შეუწყოს მივიწყებული, გადაშენების პირას მყოფი კოლხური ვაზის ჯიშების აღდგენას და იზრუნოს მათ გაშენებაზე (კოლოში, ჭვიტილური, პანეში, ჩექობალი, ოჯალეში, ჩეში და ა.შ). ასოციაციაში გაწევრიანება ყველა მსურველს შეეძლება.
ასევე, ასოციაციის შექმნის მიზანია პოპულარიზაცია გაუწიოს ქართული მევენახეობა-მეღვინეობის კულტურას, როგორც ადგილობრივ ბაზარზე, ასევე საზღვრებს გარეთ. გაერთიანების გეგმებში შედის ასევე სანერგე მეურნეობის შექმნა და ტრადიციული მეღვინეობის შესახებ მეწარმეთათვის ტრენინგების ჩატარება.
ახლადშექმნილი ბიზნეს-გაერთიანების საქმიანობაში ოკუპირებულ ტერიტორიაზე მცხოვრები საქართველოს მოქალაქეების ჩართვას ხელს აფზახეთის ავტონომიური რესპუბლიკის სავაჭრო-სამრეწველო პალატა შეუწყობს.